Samarqand viloyatida amalga oshirilayotgan islohotlar bilan tanishish hamda tajriba almashish maqsadida, Qoraqalpogʻiston Respublikasi Vazirlar Kengashi Raisining oʻrinbosari B.Xabibullayev boshchiligida 30 nafarga yaqin bir guruh tadbirkor va ishbilarmonlardan iborat delegatsiya “Urgut” erkin iqtisodiy zonasida hamda viloyatdagi kichik sanoat zonalarida amalga oshirilayotgan loyihalarni o‘rganish va tajriba almashish maqsadida tashrif buyurdi.
Mehmonlar “Dahbet” kichik sanoat zonasida faoliyat yuritayotgan “Amonov Mebel Tekstil”, “Nyu Pak” MChJlar hamda Urgut EIZda faoliyat yuritayotgan “AZIA METAL PROF”, “YEC GILAM”, “URGUT MIKRO METAL”, “UR JEANS”, “SAM ELEKTRO SERVIS” va boshqa bir qancha korxonalar faoliyati bilan yaqindan tanishdilar.