Seminarda, ekspertlar “Urgut”EIZ korxonalariga tashrifi chog‘ida ishlab chiqarishda yo‘qotilayotgan issiqlik miqdori va uning korxona iqtisodiyotiga qanchalik zarar yetkazayotganini o‘rganib, tahlil qilib, EIZ hududida faoliyat yuritayotgan boshqa korxona mutaxassislariga o‘rganilgan muammolar va ular yechimi bo‘yicha atroflicha ma’lumotlar berishdi.

Yakunda bir qancha yirik ishlab chiqarish salohiyatiga ega korxonalar mutaxassislari ham o‘z tajribalari jarayonida yuzaga kelgan elektr va issiqlik quvvati yo‘qotishlari haqida so‘zlab, ularga ekspertlar tomonidan maslahat va tavsiyalar berilib dastur davomida ushbu korxonalarni ham ekspertizadan o‘tkazishlari haqida kelishib oldilar.

Umid qilamizki yuqoridagi nufuzli tashkilotlar bilan hamkorlikdagi faoliyatimiz EIZ korxonalariga kelajakda katta marralarni zabt etishda o‘z samarasini beradi.